苦等多年，黃女士一家終於獲派公屋，他們高興有個安樂窩同時，亦為沉重的搬遷開支煩惱。「為咗今次搬屋，我左撲右撲，𠵱家真係山窮水盡，連開飯都有困難。」黃女士皺着眉說。
三十八歲的黃女士，育有三名子女，現年分別十六歲、十四歲及十歲，其夫近年患嚴重肺病及心臟病，無法工作，一家五口現靠綜援金生活。黃女士稱：「我哋幾仔乸平日慳慳哋至勉強夠使，𠵱家突然間要攞咁多錢出嚟搬屋，真係應付唔嚟。」
按照社會福利署現行條例，只有黃女士患病的丈夫獲發搬遷津貼，惟金額未足以彌補開支。「淨係屋租加水、電、煤同電話雜費按金，已經要成一萬一千蚊，社署只津貼咗六成，其餘嘅要我自己畀，試問我邊有能力，啲帳單不斷寄嚟追數，我都唔知點算。」
蘋果日報慈善基金了解黃女士的實際需要後，撥款六千元，紓緩她搬遷方面的經濟壓力。捐款編號：C1398
暖流熱線
電話：29908688
傳真：23702192
電郵：
網址：