一個年輕的金毛媽媽，約了「姊妹」聚舊。二人在快餐店臨街座地玻璃窗前，唱衰男人。
金毛媽媽和紅髮姨姨大概年紀很小已在江湖行走掙錢了，閱歷豐富，人也滄桑，才廿多歲，對男人已失去信任，更不用談寄望了。或者金毛媽媽被拋棄，沒打掉BB，生下來獨力撫養。BB看來兩三歲，很可愛，牙牙學語，可說單句。
媽媽罵男人罵得興起：
「超！佢走咪走囉，呢世唔好擰返轉頭吖？超！我實唔畀佢見番個仔㗎。超！……」
姨姨又感同身受：
「超！冇個靠得住，莫講話養我，佢唔使我孭條數我會有今日？超！」
突然，BB無意識地學着：
「超！超！超！」
媽媽聽了，急道：
「死仔，超乜唧？唔准超！」
BB：「超！」
媽媽：「重超？唔准再超，再超我打你！亂咁學！」啪！
——兩三歲，又聰明，學得快。BB挨了打，扁嘴望着超超聲但又不准他超的媽媽。他無辜地、百思不得其解，自己做錯了甚麼？