昨日六月八日，係白鴿黨前主席李柱銘牛一，佢老哥都算威，連英女皇都揀噚日嚟慶祝佢官方生日，八方問媽田，有乜慶祝活動？佢話咪同個仔同太座食番餐囉。至於生日願望，唔使多講，梗係「民主」兩個字。
媽田一直都喺港島區出選，不過，今年就係未知數，原因最近啲民調都唔睇好民主派可以喺港島贏五席，媽田話，一切都要等副主席李永達發落。
梁振英近日不斷出招，係人都郁，媽田話佢簡直當自己係特首，不過，梁振英就死都話自己無意問鼎，重話如果想做，就唔會咁講嘢。大家又信唔信？
梁振英想知媽田閂埋門同美國佬講咗乜，媽田話佢連閂埋門同老董講乜都唔會隨便講畀人聽，點可以唔守規矩。
（圖左）李柱銘
傳真︰2623-9278
電郵︰