停辦了四年的亞洲小姐選舉，今年捲土重來，但形式會有大突破，昨日亞視為隆重其事，特別在灣仔召開記者會，並請來九六年亞姐冠軍陳煒及九七年亞軍郭金出席。
據有份主辦今次選舉的葉家寶表示，今年候選佳麗會有十八位，他說：「暫定香港會有六個，內地會有六個，而海外佳麗亦有六個，內地佳麗會喺九月二十八日杭州選出，直接進入十月二十四日喺香港演藝學院舉行嘅決賽。至於香港方面會喺下月十日截止報名，下月中開始面試，而外景地點暫定天津。」
此外，大會在昨日播放的亞姐宣傳片中，竟以模特兒將歷屆三位亞姐冠軍肖像以不尊敬方式對待，如用刀劈利智，或將楊恭如丟落海，又用拳打碎陳煒，似乎有貶低亞姐之嫌，對此葉家寶說：「呢個係表現手法，冇話貶低嘅意思，只係想講香港唔係唯我獨尊，而係歡迎其他亞洲國家佳麗參加。」
採訪：馮美茵 攝影：陳慧安
