Twins、Boy'Z及應屆華裔小姐冠軍鍾嘉欣等，前晚出席「運動基地」啓動大典，鍾嘉欣即場表演呼拉圈，身手甚佳，而Twins的蔡卓妍（阿Sa）演出時，台下一名男歌迷不停大叫，他竟然聲稱阿Sa是其太太。
二人組合Twins、Boy'Z及應屆華裔小姐冠軍鍾嘉欣等，前晚在奧海城出席「運動基地」啓動大典，現場觀眾大部份都是Twins及Boy'Z的歌迷，鍾嘉欣雖然沒有眾多fans，但她換上小背心熱褲大玩呼拉圈，動作非常靈活，獲在場人士讚賞。
阿Sa演出時，台下一名男歌迷忽然大叫：「我兩個禮拜冇見到你，好掛住你，要小心身體。」事後鍾欣桐（阿嬌）大爆那名男子曾向外間表示阿Sa是其妻子，對此阿Sa說：「佢都寫過示愛信畀我，不過都開心嘅，如果佢唔係鍾意我，又點會寫信畀我。」
鍾嘉欣參選華姐時，曾表演過呼拉圈，她前晚重施故技，對此她說：「我都好耐冇練過，有啲動作都唔記得，𠵱家玩呼拉圈都變咗我嘅強項。」問鍾嘉欣還懂得哪些運動，她說：「我都識打排球、籃球同田徑運動，以前讀高中時，試過玩運動時贏過團體亞軍。」鍾嘉欣早前分別在陳小春及鄭中基的MV中擔任女主角，對此她說：「小春不停同我講英文，佢又話自己冇學過，但都講得幾好。」
Boy'Z演唱完後，Steven被安排先行離開，只剩下Kenny獨自接受訪問，保母聲稱Steven要趕往拍戲，而Kenny則說：「Steven好叻，佢撐得住，佢好多嘢做，我一陣都要趕住去拍戲。」
採訪：魯萍
攝影：仇志德
