立法會噚日請十幾個外國領事食晏，啲領事好關注7.1遊行，趁機同議員收料，不過就唔講自己嘅睇法。美國駐港總領事祈俊文就話，除非佢有水晶球，如果冇水晶球去估人數，你就預備食玻璃碎啦，因為唔係我講有幾多人，就會有幾多人參加！
祈俊文又講到政改，佢話美國立場係，香港市民應該有權自行決定佢哋係咪要民主。
民主黨肥仔明同八方講，張枱好鬼死大，佢都無機會同坐好遠嘅祈俊文講嘢，坐佢隔籬嘅係馬來西亞同泰國總領事，但兩條友都無乜特別嘢講，泰國總領事當然冇叫肥仔明同泰國總理他信一齊入股收購利物浦啦！
傳真︰2623-9278
電郵︰