自從「六四」出現六個維園球場都唔夠坐嘅場面之後，特區政府好緊張7.1有幾多人上街，八方聽聞，由劉兆佳做頭頭嘅中央政策組最近又廣發英雄帖，問邊間機構有興趣投標，同佢哋準確咁點吓人數。
當然，大家見過鬼都怕黑，上次4.11反釋法大遊行，政府請咗間米嘉道資訊策略有限公司做統計，話有七千六百二十七人去遊行，比起民陣公佈嘅二萬人少一條街，後嚟大家對間公司嘅調查方法都好有意見，唔知佢點做得咁準，連尾數都有。
自此之後，做呢類統計變咗大笑話，大概冇人想做政府打手啩。不過，有人就話，重賞之下一定有勇夫，又如果港大鍾庭耀肯做，唔知佳叔敢唔敢請佢？
（圖）佳叔今次單生意，唔知邊個夠膽接？
傳真︰2623-9278
電郵︰