不顧一切、上山下海、拋篩磨擰Fing、又越過高山又越過谷，好彩有高手幫手，終於、終於俾我撲到幾張SongGod許冠傑演唱會嘅第一場門券，開心得我吖！
點解係要第一場？阿Sam闊別了香港人這麼多年，說是闊別，其實阿Sam有的是一顆香港心，他一直沒有跑開過，他一直在不遠處關心地看着香港人。這幾年，香港人實在辛苦了，在經歷了沙士及痛失了香港的兒子、女兒後，阿Sam實在忍唔住要站前擁抱一下香港人。我確實感受到那份阿Sam的暖意，所以我要第一時間，我是指真的第一時間，飛身撲前、放鬆全身好好地讓阿Sam擁抱，讓他親切的態度、怕怕哋醜的笑聲、草根的心、堅定的做人態度、充滿愛心的身體語言、永遠英俊的感覺、充滿哲理的通俗歌曲、聽完好開心的音樂故事、觸動心靈的愛情獨白，去為我洗滌心靈。
最開心的是，我們一家三代五口集齊一套，成員包括非常欣賞許冠傑為人的媽媽、忠實Fans我、認為阿Sam好好笑同埋好靚仔，識唱八成阿Sam嘅歌嘅中一外甥仔同埋四年班外甥女，重有一位適逢其會時運高有機會一睹SongGod風采的自由行表姪女，五個完全品味唔一樣嘅人，一齊被阿Sam逗樂了接近五個小時。
好開心，真係好開心，因為我見到阿Sam都好開心，阿Sam在發光。