因為瘋牛症嘅關係，香港重未解封美國牛肉嘅入口，好彩唔少賣牛扒嘅餐廳都早有準備，一早買定大批急凍美國牛扒存貨。立法會飲食界代表張宇人話畀八方知，好似扒王之王咁，佢嘅存貨可以食到十一月，但馬會個club管理真係麻麻，竟然一件美國牛扒存貨都冇，淨係得啲好難食嘅澳洲牛扒！
張宇人話，如果食炒牛肉，隻牛係咩國籍都冇所謂，但係牛扒梗係美國牛先至好食，美國政府都好緊張香港嘅市場，希望香港盡快解封。
講起立法會選舉，爭取連任嘅張宇人有啲憂心咁講，有個有實力嘅「神秘人」想挑戰佢，不過唔肯講呢個係乜水，總之唔係陳樹英。有行家同八方講，上個禮拜同張宇人講選舉，張宇人都冇乜擔心選情，唔知張宇人係咪好似阿飛咁，最近被「神秘人」嘅午夜凶鈴嚇親？
傳真︰2623-9278
電郵︰