香港貧富懸殊問題嚴重，在這個物質充裕的社會，仍然有不少家庭過着吃不飽、穿不暖的日子。蘋果日報慈善基金為關顧弱勢社群的需要，特別發起「蘋果愛心福袋」關懷行動，為有需要人士送上食物福袋，減輕他們經濟負擔之餘，並表達社會人士的一份關心。
蘋果日報慈善基金日前率先透過旺角街坊會陳慶社會服務中心派發二百個「蘋果愛心福袋」，每個福袋內有八公斤裝絲苗米、罐頭、即食麵、餅乾、朱古力及蒸餾水等食物，是次受惠對象主要為該中心單親、綜援及低收入家庭會員。
五十二歲的黃女士，接過「蘋果愛心福袋」後，既開心又感激。「呢個福袋好實際，單係包米都幫我慳番唔少，啲餅乾同麵又可以用嚟做早餐，多謝晒。」
黃女士與丈夫七年前離婚，幼女隨前夫生活，長子及次子身在內地，孑然一身的她，獨自租住板間房。黃女士堅持自食其力，她在酒樓任職清潔女工多年，賺取微薄收入。「日日未見太陽已經要開工，一直做到太陽落山，洗碗洗到手軟，都係賺得四千幾蚊，扣埋屋租、水、電、煤雜費，實在所剩無幾，有時都要執紙皮、汽水罐幫補吓。」
奈何黃女士近月身體抱恙，被迫暫時停工在家休息，在沒有收入下，她平日更加要節衣縮食。「𠵱家早餐都唔敢食，一日兩餐，平日多數係菜同魚仔做餸，莫講話湯水，肉類都好少買。」
陳氏夫婦同樣為活動受惠人，年逾六十的陳先生原本從事清潔工作，但自從年前退休後，與妻兒三口便靠綜援金生活。「自己身體唔好，想做都做唔到，個仔重讀緊書，生活壓力好大。」陳先生慨歎。
陳氏夫婦表示，由於剛獲派公屋，面對一大筆搬遷開支，近月經濟更形拮据。「惟有喺飲食方面盡量慳，好多時都專登等街市收檔先去買餸，執番啲平貨，所以今次有咁多咁好嘅禮物送畀我哋，真係好歡喜。」陳氏夫婦喜孜孜地說。
在芸芸禮物之中，陳太最喜愛絲苗米，她笑言：「平日冇乜餸，好多時都係食多兩啖飯飽肚，不過，𠵱家啲米都唔平，一包八公斤裝閒閒哋都要五十幾蚊，我哋每個月至少食三、四包，𠵱家有贊助，呢個月就可以慳番幾十蚊。」
蘋果日報慈善基金設有「蘋果愛心福袋」專戶，盼各界熱心人士踴躍捐輸，將愛心和關懷廣傳。 「蘋果愛心福袋」
專戶捐款編號：C1345
暖流熱線
電話：29908688
傳真：23702192
電郵：
網址：
