【本報訊】7.1臨近，商界紛紛為政府講好說話圖減低社會不滿，合和集團主席胡應湘昨表示，港府沒有打壓言論自由，他更刻意替特區政府與人大常委曾憲梓等左派人士劃清界線：「曾憲梓都唔代表香港政府，香港政府冇打壓言論自由，雖然有啲左派想，但左派唔代表香港政府，我哋都唔想左派代表香港政府。」
胡應湘昨在城市大學出席該校學生會籌辦的「2004年大學生領導才能研討會」，其間有記者指坊間批評政府打壓言論自由，胡應湘即時厲聲回應：「香港政府冇打壓言論自由！你話香港政府打壓言論自由，係好唔負責任嘅講法，香港政府幾時有打壓？香港政府冇話唔畀講嘢喎！」
雖然記者無提及任何人士，但胡續說：「曾憲梓都唔代表香港政府，香港政府喺呢件事完全中立，我哋要公道啲。」他又說：「雖然有啲左派想，但左派唔代表香港政府，我哋都唔想左派代表香港政府；香港政府反而好堅持（言論自由），佢自己嘅電台日日都彈政府啦。我哋希望有言論自由，但自由亦有限制，唔可以人身攻擊，唔可以有謊言。」
他回應學生提問時又特別提及人大釋法，他說，本港部份法律界人士批評中央無權釋法，但內地奉行大陸法，有別於本港的普通法，按內地法制，中央有權就《基本法》作出詮釋；他又說，就算本地任何人士對內地的詮釋有任何意見，亦應該以正面態度討論。他又稱，內地的一黨專政亦有助社會穩定。
他主持講座時說，現代社會瞬息萬變，學生應不停裝備自己，如留意時事新聞，不只學習課本知識。