無可否認，NBA愈來愈悶係事實，今年好多場比賽我都睇睇吓瞓咗；今年總決賽會由湖人四寶大戰「防守之鬼」活塞，話晒係最強之矛對最強之盾，總好過上年馬刺對網隊。講番波鞋，今年決賽各大公司推出的波鞋可謂歷年中最慘淡，唔通真係籃球鞋末日已到？
回想以前季後賽，總有一批季後賽特別色波鞋出現，佐敦系列係龍頭大哥，還記得九七年對AJ12黑白色發售當日，全美國一日沽清；還有艾華遜「答案系列」的季後賽顏色也賣得不錯，當然重有九七年一鳴驚人，Penny仔的FoampositeOne！
𠵱家？佐敦退休，卡達、勒邦占士、艾華遜同T-Mac呢班球鞋熱賣的球星，連季後賽都打唔到，剩番只有拜恩、鄧肯同加尼特叫做有叫座力。但係拜恩對湖人色Huarache2K4又不作公開發售，三間牌鄧肯的DCool連美國都要今個禮拜先有；加尼特嘅TheKG更加要到暑假先有，點解唔趁KG攞MVP威勢而推出賺番筆呢？真係諗極都唔明……
唔好講咁多，睇下NBAFinal兩隊正選球員嘅戰鞋啦。最後，活塞加油，BeatLA！
文：Hleung