新股熱潮湧起，今年最大宗嘅招股上市活動──平安保險昨在君悅舉行投資者推介會，自然全方位動員，冒求製造墟冚場面。主人家由平保董事長馬明哲，以及平保總經理、港產博士張子欣率領，與三百多位投資者會晤，推介呢隻內地壽險市場第二大嘅保險公司。
擔任平保保薦人之一嘅滙豐亦落足全力協助，除投資銀行部阿頭宦國蒼博士例必出席外，總經理柯清輝亦畀面現身，據聞本周日嘅上市記者會，滙豐會派出行政總裁邵銘高上場。
另一位保薦人大摩，馬不停蹄工作，開完推介會後，噚晚重喺會展舉行飯局，宴請財經界名嘴，全力為平保造勢。股照炒，冇錯。
（圖）柯清輝畀面出席平安保險推介會。
傳真︰2623-9278
電郵︰