近排政府積極支持電影業，滙豐銀行響應，更先後批咗貸款畀兩套片，八方噚日同恒生銀行零售信貸業務主管藍章華傾起，原來滙豐喺荷李活，一早已經做好多電影貸款，因為當年佢喺滙豐返工，就喺美國西岸搞EntertainmentBanking業務。
藍章華話顧名思義，呢類生意梗同娛樂事業有關，其中唔少得做電影貸款，好多套片其實香港人都睇過，好似米路吉遜嘅《偷聽女人心》（WhatWomenWant）同《軍天壯志》（WeWereSoldiers），滙豐都有份借錢拍。
佢重話當時做得幾開心，間唔中就可以參加首映禮，見到好多明星，有時重同佢哋傾偈㖭。佢又話好多外國明星其實已做咗滙豐客仔，至於係邊個？客戶資料保密，唔講得。
傳真︰2623-9278
電郵︰