個個都話鄭大班（圖）係全港第一惡人，原來大班都有嘢怕，就係怕稅局。
話說過去十年，大班同稅局一直就「服務公司」稅務問題拗數，大班請咗全港最top嘅稅務律師同稅務顧問出馬，本來想同稅局打到終審法院，但係最後大班卒之都要投降，費事上訴，寧願破財擋災，無謂畀機會啲奸人多嘢講。
八方收到料，前兩日大班同稅局「和解」，賠咗一筆錢，聽講單係利息已經六個位數目，年息八厘計，稅局真係識搵銀，今次馬時亨收番筆，對補貼特區政府財赤可能都有小小幫助。
呢類「服務公司」稅務糾紛，本來好平常，不過大班見呢輪風頭火勢，飛哥天台搭間屋仔都被人砌，大班都係多一事不如少一事，以免俾人抹黑。
傳真︰2623-9278
電郵︰