車牌有價，用「CX」做字頭嘅車牌，一般人可能唔覺有乜特別，但對國泰航空就好有意義，因為所有國泰航機嘅編號都以「CX」行頭。最新一期《國泰天地》話，國泰一直搜羅呢啲車牌，至今搵到二十九個，其中有四個係機隊型號，好似「CX747」、「CX777」、「CX340」咁。一位國泰員工重打算出售他擁有嘅一個「CX831」車牌，叫價四萬蚊。
另外，《國泰天地》又提到近期國泰嘅大肚婆特別多。截至五月，總共有一百五十幾位大肚婆返工，其中有一百一十幾人係空姐同女機師。𠵱家國泰有四位女機師大肚，但係乘客肯定無機會喺機艙見到空姐同女機師大住個肚個樣，因為佢哋都要暫時停飛轉做文職，生完先可以飛番。
（圖）機長自己都有收藏CX字頭嘅車牌㗎。《國泰天地》圖片
傳真︰2623-9278
電郵︰