《哈利波特阿茲卡班的逃犯》上周五喺全美開畫，喺毫無對手下贏咗票房No.1。而《哈》片喺過去嘅周末喺美國共收得九千二百七十萬美金（約七億二千三百萬港元），打破過去兩集《哈》片嘅開畫周末票房，而且套片重創出六月份史上最高周末票房嘅紀錄。整體嚟計，《哈》片於史上嘅周末票房排名第三，僅次於《蜘蛛俠》同《史力加2》。