立法會選舉提名期都未展開，金融服務界已經七國咁亂，港區全國政協張華峰最近開始放聲氣話會參選，令有意藉呢個界別出線嘅人多到五位。有線人同八方講，張政協今年農曆新年左近去過中南海，獲中央高層支持參選，之後佢陸續拜訪各經紀選民。今次可以話係北京全力催谷，除了直選議席外，務求功能組別都要擺自己人入去。
其實金融服務界個位，除咗現任議員胡經昌外，前議員詹培忠同馮志堅，以及自由黨嘅馮家彬都想爭。有業內人士話，中央呢鋪反映佢哋協調不力，因為胡經昌同馮志堅話晒都根正苗紅，𠵱家又支持張政協，真係唔知佢想點。佢又話張政協同肥詹嘅支持者接近，呢鋪擺到明要分薄肥詹嘅票源，唔通肥詹九七前插肥彭咁博盡，國家咁都唔記恩？
傳真︰2623-9278
電郵︰