重有兩個星期就係一年一度嘅端午節，近日喺報紙雜誌、電視、鬧市街頭同地鐵站燈箱，都充斥住各大商號各式各樣嘅糭子廣告，令人眼花撩亂。
不過，大家喺選購糭子嘅同時，千祈唔好遺忘一班孤苦老弱，佢哋都好需要你嘅捐助，買糭應節。
「蘋果愛心糭子2004」展開至今，已經收到超過四十五間非牟利社會服務機構及團體申請合共超過四萬三千六百隻糭子，需求實在十分之大，蘋果基金將會因應專戶收到嘅善款，分配資源。
大使喺呢度再三呼籲大家繼續踴躍捐輸，事實上，以一隻愛心糭子慈善價五蚊計算，善長只要捐出一百蚊，就可以令到二十名獨居長者或無依孤寡得嘗糭香，歡度佳節。福有攸歸，請慷慨解囊。
「蘋果愛心糭子」專戶捐款編號﹕C0555
暖流熱線
電話：29908688
傳真：23702192
電郵：
網址：