名嘴受恐嚇封咪事件尚未平息，左派又出事，一個叫做將軍澳婦女中心嘅地區團體，被捲入一宗涉嫌偽冒選舉文件案件，民建聯楊耀忠承認事件「影響選情」，事實上呢個中心同民建聯關係都可以話唔係咁簡單。
將軍澳婦女中心於九八年成立，有成二千個會員，會員主要係區內街坊師奶，中心主席張秀蓮係民建聯西貢及將軍澳支部委員會成員，一向親中愛國，難怪婦女中心可以喺楊耀忠個辦事處掛單。
將軍澳婦女中心係香港婦女發展聯會團體會員，律政司司長梁愛詩係聯會榮譽贊助人，民建聯屯門委任區議員葉順興係聯會主席，立法會主席范徐麗泰則係顧問之一，而法律顧問則係譚惠珠，唔怪得梁愛詩猛咁想大事化小。
背景千絲萬縷，親中派搞出咁嘅醜聞，今次手尾長。
傳真︰2623-9278
電郵︰