【本報訊】負離子電髮近年大行其道，《亞洲電視》引述皮膚科醫生表示，利用高達攝氏二百度的化學儀器電髮，有機會灼傷頭皮，而電髮劑亦可能會引致皮膚嚴重敏感。
一名少女早前首次接受負離子電髮時，便不幸被電髮儀器嚴重灼傷頭皮，除了需要花上萬多元手術費外，傷口處更永遠不會再長出頭髮，變成禿頭。
「縫針嘅傷口位永久唔會再有頭髮生長，而傷口有時仍有赤痛感覺，我唔知道呢個痛嘅感覺會維持到幾時。」早前首次接受負離子電髮的吳小姐憶述被灼傷經歷時說：「開咗部機唔夠一分鐘，已經覺得頭頂好痛，比熱水更熱嘅嘢熨喺自己嘅頭頂上，受傷範圍有五毫子咁大，開始結焦時，竟然一束束頭髮連住結焦一起脫落。」
吳小姐最終花了萬多元醫藥費，但經過消費者委員會調解後，也只能向髮型屋成功追討部份醫藥費。
香港大學醫學院皮膚科主任陳衍里表示，吳小姐個案比較罕見，但他強調有些人確實對化學物質有不正常敏感反應，「甚至有個案顯示過，整個頭紅腫晒或者透唔到氣，需要緊急治療。」