傅天穎（奀妹）及黃佩霞昨日往灣仔會展出席好友向筠羚投資的羊胚胎美容攤位，「奀妹」透露現在與F4簽了同一經理人，現正在台灣拍攝新劇《甜蜜風景》，問她F4四子誰最靚仔？她說：「我話馬英九最靚仔。」
問奀妹現在感情生活如何時，她說：「冇拖拍，但係有人追，對方係我九年前嘅男友，我哋當年拍咗三年拖，佢唔鍾意我入娛樂圈所以分手，但最近見番佢又重新追番我，佢條件好好，符合晒我揀男友嘅要求，就係誠實、努力同孝順。」
黃佩霞則笑言到她的年紀，皮膚非好好護理不可，她說：「好似我每次曬完太陽，都即刻做mask嘅，不過最近好多朋友叫我試做彩光，我又冇膽試。」
採訪、攝影：JessicaNgan