《哈利波特阿茲卡班的逃犯》上周五喺全美開畫，全日勁收四千一百二十萬美元（約三億二千一百萬港元），開畫成績不但比前兩集優勝，重取代埋《蜘蛛俠》成為史上最高開畫日票房電影。相信呢部片星期六嘅票房應該會重勁，分分鐘可以超越埋紀錄保持者《史力加2》嘅四千四百八十萬美元（約三億五千萬港元）票房，刷新埋史上最高單日票房紀錄㖭。