新股上市熱潮再起，大家又有機會落注，八方噚日去其中一家叫「騰訊」嘅公司嘅記者會，睇下有冇料。
呢類新公司，多數都會送啲同公司相關嘅小紀念品畀傳媒，咁近排招股啲公司送乜呢？當然，蒙牛係唔會送隻牛，中海集運亦唔會送個碼頭啦，騰訊就認真夠心思，送乜？全部同公司嘜頭嗰對小企鵝Q哥哥同Q妹妹有關（圖）──公仔1對、手機繩、一套三張Q幣卡（簡單講係騰訊網絡世界裏面嘅錢），同埋一套為咗慶祝公司成立5周年而出版嘅首日封、小全張同埋版票，重係真正用得個款（響祖國裏面）。
不過，小全張設計咁得意，又點會捨得用呢！
傳真︰2623-9278
電郵︰