八方早排講過小小超李澤楷嘅地產旗艦──盈科大衍地產發展嘅中文名稱由來。最近盈大果然大搞起來重登廣告請人㖭。前日八方睇南早嘅招聘廣告，見到佢哋嘅新logo（圖），重發現盈大以自己嘅名義為貝沙灣請物業經理等職位，重搞咗個新官方網站pcpd.com。
八方貪得意上去個網睇吓，發現只有一段集團介紹嘅文章，其他嘅資料仍然未有。不過，八方發現盈大喺網站刊載嘅地址，同報紙招聘廣告唔同，報紙廣告話有興趣應聘者寄信去太古坊電訊盈科大廈，但係網站嘅地址則是數碼港二期八樓，相信盈大嘅員工好快會有喬遷之喜。
傳真︰2623-9278
電郵︰