一間食肆能於五年內多開兩間分店，不算多，但也不容易。好像這間以刺身及串燒為主的日本料理，店舖能夠穩步發展，其中一項依賴的，便是兩位師承著名日本料理店的師傅。雖然他們曾經辛酸過，但總算是打出名堂。而芸芸時令刺身和串燒之中，印象最深刻的便是看到由師傅即場生劏活蝦做刺身的過程。
記者：陳淑君
攝影：陳盛臣
專攻刺身及壽司的港師傅，十七歲已經入行，最初只做廚房，經介紹才去見城工作一年多。
港師傅回憶道：「當時我主要跟松島龍彥（現在天勺的老闆）學習，返工好緊張，忙起嚟只得5、6分鐘食飯！松島先生算好肯教，我做咗半年就有得劏海鰻，一般人要做五年壽司先可以劏，當時連日本仔都有眼紅我！當然自己也要有心去學，肯為自己的職業去搏，在見城做一年等於喺外面做三年，當年我更由135磅跌至112磅，可見壓力幾大！」
港師傅另一好拍檔是嚴師傅，入行也有十二年之久，曾在串燒專門店南蠻亭工作了六年：「當時舖頭有兩位日本師傅，佢哋沿用最傳統竹籤穿食物，比起爐端燒細緻得多，佢哋所有材料都要新鮮，不用預先醃味，調味只用鹽、黑椒及蒜茸粉，舖頭串燒食物有三十幾項，每項我都要花一個月去穿至達到他們的標準，多種食物中最難穿係雞翼同雞皮，我見過有人穿咗兩年仍然唔及格，亦見過有人被鬧到喊！」
直接入口日本活虎蝦，一般只可缸養四至五天。食這種蝦最好坐Counter，同時欣賞師傅即場劏蝦至上碟的過程。師傅首先會切去蝦隻頭部，剝殼，浸一會冰水，使肉質更爽，接着剔除蝦腸再切粒，然後即時上碟。整個過程要快，端去食客面前時還可以看到蝦腳在活動呢！食味最大賣點是肉質爽，但本身味淡，如配合少許鹽及青檸汁會加倍帶出鮮味。蝦頭可以生吃外，也可燒或炸，食落更惹味。
港師傅話一百條鰹魚只有十幾條可做特選，特選跟一般貨色的分別在於有皮下脂肪層，這層脂肪令肉質更香甜。作刺身一般會連皮炙一炙表面，行內人稱「燒霜」，目的是保留脂肪，令食味更佳。
此魚的讀音正是「彷彿」，每年五至六月及九月至翌年二月是牠最肥美的季節。除了名字幾趣怪外，連外形都幾特別。雖然屬海底魚，但身軀並不龐大，一般約250至300克，肉質比較柔軟清淡，最常用來做薄切，食時伴酸汁會較易吊起其鮮味。
據稱有位中醫是這款串燒的長期捧場客，內含豐富膠質，大抵對雙目及皮膚都有一定裨益吧！雖然只是簡單地鹽燒，入口也不會腥，狀似啫喱的膠質頗多。
西式食法主要靠芡汁來減低鵝肝的油膩感，這裏則以串燒做法，最大好處是以慢火將鵝肝燒至皮脆肉嫩，不會很滯膩，只是用一點點鹽調味已滋味非常。
郎田日本料理
地址：鰂魚涌海灣街13-15號海灣大廈地下
電話：28110213
座位：68個
營業時間：12:00nn-3:00pm及6:00pm-11:00pm
交通：鰂魚涌地鐵站太古坊出口
