梁詠琪（GiGi）及張家輝日前遠赴肯雅，為無綫新劇拍外景。有傳GiGi為救事業，不惜以八百元一集接拍電視劇，她否認說：「拍劇唔係降價，係唔收錢嘅，我唔覺自己事業到咗谷底。」 記者卓寶花、陳志嵐肯雅直擊
梁詠琪（GiGi）、張家輝和郭羨妮（Sonija）等人，日前在非洲肯雅為無綫新劇《天涯俠醫》拍外景。眾演員拍攝前出席拜神儀式，更有非洲土人跳祈福舞，張家輝等人亦隨着音樂加入，氣氛熱鬧，可是拜神用的燒豬卻打側擺放，認真大吉利是。
有指GiGi自貶身價，除了以八百元一集為無綫拍《天》劇外，還為港姐做嘉賓，她說：「我咁啱要去肯雅拍劇，而港姐又喺嗰邊拍外景，我做港姐嘅嘉賓係客串形式。至於拍《天》劇唔係降價，係唔收錢嘅，我唔覺自己事業到咗谷底，再低啲都試過。」問到GiGi可覺肯雅的環境很差，她表示曾在孟加拉拍外景，那裏的環境更簡陋，GiGi又說：「我重有半箱乾糧都未食。」
《天》劇的外景場地很偏遠，手提電話網絡不能覆蓋，故Sonija沒有常跟男友溫兆倫通電話，她說：「我初初嚟到都打咗長途電話畀男朋友，都知電話費好貴。我覺得呢度環境都還可以，但就好大風沙，去到荒山野嶺外景，我都唔係好敢飲太多水，怕要去小便。」
此外，張家輝則很喜歡肯雅的風景，他說：「我覺得拍嘢嘅心情同玩唔同，呢度咁靚，我都影咗好多相。」
