唐英年率領幾十個富豪去東北，唔使理有冇生意，單係見見曾慶紅都值回票價。正如上次去大西北，跳吓舞食吓烤羊，幾happy，之後點使乜理咁多，咪當去玩，何況又有人招待。
除咗唐司長，曾俊華局長同葉澍堃局長都會趕去東北會合，事關前者去咗智利，後者就去咗埃及，於是一個由南一個由西直飛祖國會師，真係好有誠意。唐司長夠晒飛士。
咁特區咪冇晒財金官員？唔怕，重有馬時亨局長（圖）。馬局長剛剛去完星馬，唔再出埠住，署任財政司司長。馬司長最近狀態大佳，六十億隧橋債券順利賣晒，二百億官債又進度良好，啲銀行幾乎唔收錢都爭住搶嚟做。由佢睇住個檔，實冇事啦。
傳真︰2623-9278
電郵︰