原本由飛天朱主理的華德豐(297),在完成債務重組及引入新主要股東後,今日正式改名中化香港控股,以反胦新大股東的加入。不過,炒家上周五已急不及待要慶祝,將股價炒高14%,收0.325元。
市傳新大股東注入地產業務已有一段時間,但次次都只見身郁,唔見米白。經紀陳解釋,家陣搞注資唔係咁容易,君不見茂盛控股(022)控股權已易手多時,但直至近排才以斬件形式將大陸公路資產注入公司,先至冇俾監管機構抽秤。佢又話中化新主來頭勁,幕後炒家亦水頭充足,但注資要等待時機。
另外,經紀陳上星期極度「硬銷」嘅展鴻(572),上周五配股後復牌,表現令小初異常失望。重話配股股份落在少數人手上,點知沽壓甚大,好快就跌穿0.65元的配股價,最低見過0.60元,收0.64元,跌5.9%。
經紀陳話一言難盡,佢都估唔到會搞成咁,但聽講上周五有關人等已硬接唔少貨,消化唔少沽壓,希望佢哋可以繼續力頂,展鴻股價可以守得住。
慕容小初