歌神復出，前晚在個唱上以十套特色服裝示人，自言一直十分欣賞阿Sam的時裝設計師鄧達智，昨指其打扮極有貓王影子。
鄧達智在電話中說：「我覺得阿Sam嘅打扮唔可以用out去形容，歌迷入場都係想回味阿Sam當年嘅風采，佢嘅打扮重維持喺六、七十年代，好啱佢，換轉劉德華咁着就會好搞笑同攞你命。不過我覺得佢嘅髮型可以改吓，而且阿Sam為咗個騷刻意減肥，瘦咗咁多，但化妝方面略嫌太灰色，可以化得光亮一啲，咁個人望落去會精神啲。」
問到鄧達智覺得阿Sam哪一個形象最突出？他說：「我覺得佢着藍色斗篷配金色西裝最好睇，紅白藍膠袋改成嗰套雖然唔襯佢，不過好頂癮好醒目。」鄧達智又表示會給阿Sam的服裝滿分，他說：「滿分唔係話時裝角度或品味上一百分，係我好欣賞佢咁堅持貫徹自己形象。」
採訪：比華利