鄭中基入行至今，曾與不少女星扯上關係，但他公開承認的只有楊千嬅一個。鄭中基表示千嬅是圈中最了解他的人，絕對稱得上是知己。對於當年分手，鄭中基覺得十分可惜，現在其手機屏幕亦用上千嬅年初的演唱會海報造型照。
問鄭中基是否視千嬅為結婚對象？他笑說：「結婚嘅責任好大，我都未可以住，最快都喺四年之後先會諗呢個問題，等我拜多四次年之後先諗。」
鄭中基接受訪問時亦不介意大談昔日緋聞情人，臉上還掛上與我何干的表情。他透露未入行時已與關淑怡傳緋聞，他說：「嗰陣有人傳我同關淑怡去歐洲㖭，嗰段時間我讀緊書，呢單嘢我真係唔明點解，𢱑爆頭。」
至於當初被傳因張栢芝介入而與千嬅分手，鄭中基否認說：「我解釋過好多次，我同佢（張栢芝）當時同公司，好多時做嘢都拍住一齊做，我真係當佢係師妹咁。」
至於另一緋聞情人林嘉欣，鄭中基激動地說：「我有問過係唔係每次有電影上都要用呢招宣傳，以前喺台灣同佢傳緋聞，係認錯人。佢同朋友睇音樂會，有人見坐佢隔籬嗰個係長頭髮，就話係我。」
鄭中基除了偶然會與父親鄭東漢一起出席公開場合外，他一直甚少提起家人，原來他有一位比他小十年的妹妹，現在美國讀書。他還透露母親和妹妹稍後會由美國返港，出席其新片首映禮。
鄭中基說：「阿妹鍾意古典音樂，好少聽流行曲，以前我出第一隻碟時就迫佢聽，佢聽完後淨係話『OK啦』。我都叫佢等我開演唱會時，返嚟幫我彈一兩首歌，點知佢話我啲歌太簡單，唔使佢彈喎。」鄭中基表示每年只會與母親見兩次面，惟有靠每天通電話聯絡感情，他透露等妹妹兩年後畢業，那時便可一家團聚。
採訪：李珮洳、蔡如育
攝影：仇志德
化妝：YenLai
髮型：HoracebyChin.G
場地提供：香港越野障礙運動