楊采妮昨日以聯合國兒童基金會教育大使身份，往青衣城出席「零錢布施日」活動，她透露剛從新加坡返港，早前報讀一個遙距課程修讀法律，剛考試完畢，現在她正放假，問她是否想步翁靜晶後塵當律師？她說：「我冇佢咁叻，讀法律係想識多啲基本法律常識啫。」
楊采妮並透露已接拍徐克武俠片《七劍》，現正勤練騎馬，她說：「好在我以前拍《東邪西毒》時都跟洪金寶學過騎馬，已經有基本功，你哋唔好睇我長頭髮就以為我好文靜，好多運動我都得㗎。」
不計早前客串成龍的電影，楊采妮表示已有三、四年沒拍電影，問她壓力大嗎？她說：「徐克係個工作好投入嘅人，同佢合作一定有壓力，不過都係值得嘅，我拍過佢嘅《梁祝》，𠵱家我去韓國重有人叫我祝英台呀。」
採訪、攝影：RitaLeung