張玉珊昨日往灣仔會展出席「第五屆美容及健康減肥博覽」活動，與拍拖多年的向華勝一度談婚論嫁的她，早前曾指與對方已分手，昨日她重申已賣身給修身堂，全力發展事業，並指已過了想結婚的階段，她還說：「我哋間唔中亦有見面同通電話。」
張玉珊昨日往灣仔會展出席「第五屆美容及健康減肥博覽」活動，去年其修身堂分店遭人上門恐嚇，她當時表示與向華勝已經分手的一段對話，早前在案件審訊時曝光，其後她對此事回應記者說：「大家鍾意咪當我哋分咗手囉！」
張玉珊和向華勝曾一度談婚論嫁，昨日問張玉珊分手一事是否屬實時，她說：「我以為唔做幕前，專注做生意就冇人提我拍拖嘅事，點知都重係有，以後無論我拍拖定分手都唔會講㗎啦。」
再問張玉珊兩人曾一度談婚論嫁，她則說：「我已經過咗想結婚嘅階段啦，我𠵱家專注事業發展，已經賣咗身畀修身堂。」問她不談感情事是否和向華勝已有共識？她說：「我冇同任何人有共識，乜都冇改變，我哋間唔中亦有見面同通電話。」
提到章小蕙接拍電影《桃色》引來連串話題，張玉珊說：「我都會買VCD捧場嘅。」另外早前有指她欲找范姜作代言人，她說：「我好有興趣幫佢收身，不過未搵已經咁多是非，我唔想捲入佢哋嘅是非度呀。」
而余安安昨日則以「好得」代言人身份出席此活動，問她身形如此弗，一定有不少追求者，她對此笑說：「冇呀，我一係開工，一係陪兩個女，一係同啲女性朋友約會，都冇同外界接觸，而且我喼弗係為自己，唔係為追求者嘅。」
問安安父親節兩個女兒有否準備甚麼節目與前夫李萬祺慶祝？她說：「佢哋咁大個女識安排㗎啦，不過我就唔會出席，佢（指李萬祺）又唔係我父親。」
採訪、攝影：JessicaNgan
