Twins與Boy'Z前晚一同拍戲，Boy'Z拍攝完畢瞬即離開。近日頻傳Boy'Z的Steven被雪藏，但昨晚二人齊出席音樂會，拆夥傳聞十分戲劇性。
組合Twins前晚一身古裝出現中環拍攝新戲《光榮任務》，Boy'Z亦同場演出。Twins首先接受訪問，但輪到Boy'Z時，工作人員竟謂他們根本不在場，Twins聞言踢爆說：「唔係呀，佢哋喺度㗎。」工作人員只好謂Boy'Z因不欲接受訪問，早已低調離開。
近日盛傳Boy'Z的Steven因與傅珮嘉拍拖而遭公司雪藏，似乎Steven亦被安排做隱形人。昨日Boy'Z到商台接受《叱咤樂壇》訪問，只得Kenny出現，Kenny對Steven沒有出現解釋說：「Steven喺屋企綵排音樂會，加上呢一排都係會宣傳我首獨唱歌，可能下次宣傳佢首獨唱歌時，就得佢一個出嚟，總之Mani（霍紋希）話唔係雪藏佢。」
直至昨晚新城在九展舉行音樂會，Steven才與Kenny一同表演。現場有歌迷舉着「請不要拆夥，不要離開我」的橫額吶喊，Kenny看見示意Steven留意，二人相視而笑。二人拆夥兩日即戲劇性復合，連日來的雪藏及拆夥新聞似乎都是宣傳伎倆。
Boy'Z的經理人亦表示會繼續為二人接洽工作，而Kenny指Steven的心情沒有異樣。Kenny並堅信Steven沒有與傅珮嘉拍拖，他說：「佢同我講冇我就信佢，我信佢唔會呃我，同埋只要我哋拍拖同Mani講就得啦。」
而Twins前晚接受訪問時，提到在《光》片中的角色，原來是做回自己，內容講述公司安排二人拍戲的情況，阿Sa笑說：「酬勞都幾好㗎。」
採訪：王連連、李珮洳
攝影：陳慧安、李珮洳
