今日要講嘅「奇鸚」，並唔係一般人心目中歎早茶耍太極嘅「耆英」，佢哋唔係人，而係識飲識食，重會同你傾偈、同你玩嘅「奇鸚」。呢個「奇鸚」大集會，全部係唔同品種嘅鸚鵡，有啲重係一級、二級受保護動物㖭，邊個話「奇鸚」一定等於一個悶字㗎！
記者：吳嘉怡
攝影：陳陶鈞、伍慶泉
鳴謝：鸚鵡樹（
5月30日，溫度上升至32度的周末，我與攝記們被邀請到元朗大棠山道一個「奇鸚」聚會，坐在旅遊巴上出發往目的地途中，那此起彼落的鸚鵡聲音，活像一首首兒歌般輕快、熱鬧，興奮難忘！
不足一小時的車程，終於來到元朗大棠荔枝山莊，看見男女老幼下車時都抱着唔同顏色嘅鸚鵡，現場擺滿嘅10多圍枱，不消30分鐘已座無虛席，總人數達到200多人，鸚鵡數量起碼過百隻，場面墟冚。「鸚鵡樹」這個組織於去年12月成立，主席Joseph表示每年都會舉辦不同的戶外活動，希望藉此讓更多雀友可以一齊玩、一齊分享養雀心得。
鸚鵡擁有人類6歲的智商，聰明非常，學嘢特別快手，就算是難度高嘅動作，只要主人悉心訓練，鸚鵡都一樣學識，以下嘅動作，對佢哋嚟講，簡直easyjob啦！
飯糰避彈
mugmug體操
與其他動物不同，鸚鵡奉行一夫一妻制，遇上心儀對象時，除了膨羽之外，還會扭動脖子，甚至吐出東西以示愛！
雖然鸚鵡食糧主要以蔬菜為主，但現場所見，牠們除對自己的食物感興趣之外，對於其他放得入肚的東西也一樣好奇。
鸚鵡壽命一般可達60、70歲，而且非常懂人性，能夠跟人說話，與人建立長久的感情關係，比起其他寵物更具人性，難怪各主人對牠們寵愛有加了。
