昔日險成倫常慘劇主角的孫偉鴻夫婦，幸在一念之間，他們得到朋輩及時輔導，加上信仰支持，一段破碎婚姻，終於重修舊好，大團圓結局。這對「傳奇」夫妻，現不時化身「婚姻顧問」，以「過來人」身份，為困在死胡同的夫婦送上關懷和祝福。
最近不時有駭人聽聞的家庭悲劇發生，孫偉鴻夫婦每次看到有關新聞都感觸良多。
「自己經歷過，好明白佢哋嘅感受，同時覺得好可惜，如果佢哋多啲搵人傾訴，好多慘劇可能唔會發生。」孫太袁美倫歎道。
今年九月二十九日，是孫氏夫婦結婚三十周年紀念，婚姻背後，經歷過無數風浪。一九七四年，當時只有十九歲的孫太與孫先生結婚，新婚初期，生活尚算融洽，但日子久了，問題便逐漸出現。
孫生笑言：「之前覺得太太好溫柔，但後來先發現佢原來好惡，兼且日哦夜哦，開始覺得佢好煩，愈來愈唔願返屋企。」
孫先生當年在菜市場工作，品流複雜，染上不少惡習，嫖賭飲吹無一不好，更加令彼此關係惡化。
孫太飽受感情創傷，適逢其胞弟又因婚姻失敗跳樓身亡，在雙重打擊下，孫太一度想以自殺及謀殺來結束這個悲痛故事。「我試過迫一對仔女陪我飲漂白水，更加企圖買兇殺我老公，我甚至已經為自己嘅喪禮影好『車頭相』。」
全憑一位「生命天使」及時出現，改寫了孫氏夫婦的下半生。「佢係我大仔嘅小學老師，其實陳老師一早察覺到我哋家庭有問題，嗰日我去攞完『車頭相』就咁啱撞到佢，陳老師係一位好虔誠嘅基督徒，佢好耐心咁勸解我，重努力幫我同老公解開大家嘅心結。」
「關心」、「接納」和「包容」，是孫太和丈夫挽救婚姻的良方。孫太表示：「好多朋友都會搵我哋傾，我哋嘅故事甚至被出版成刊物，其實每講一次，我都希望可以幫到人，話到畀有問題嘅夫妻聽，事情總會有出路，我唔想再睇到有倫常慘劇發生。」
暖流熱線
電話：29908688
傳真：23702192
電郵：
網址：
