大市噚日回升。經紀黃話，如果小初對大市有信心，銀行同地產股均是吸納對象。地產股方面，除咗遠東發展（035）外，重可以留意信和置業（083）。
小初有留意信置，除咗股價與資產淨值有大折讓外，重有一個原因就係有熟口熟面嘅經紀盤護航，所以較其他股份容易捉路。
雖然市場周不時都傳信置想批股，但隻股年初在5元樓上都唔批股，家陣在4元水平搞批股的機會較微。另外重有一個原因，就係信置以往發行的可換股債券，據講持有人已經行使得七七八八，除咗令公司負債比率下降外，亦令股份潛在沽壓減少。
另外，經紀陳早前提過新怡環球（1094）炒高，可能係供股認購不足要上身嘅包銷商想出貨，結果隻股炒咗幾日，在公布收購大陸軟件公司後回軟，股價連跌兩日。
噚日新怡跌幅擴大至22.4%，收0.125元，成交金額747萬元。經紀陳話，人哋供股成本價係每股0.10元，家陣沽貨重有得賺，所以咪諗博反彈。
慕容小初