梁家輝和郭富城前晚在尖沙嘴拍攝杜琪峯新片《柔道龍虎榜》，電影公司已預先申請封街拍攝，不過仍有不少電單車停泊在街上，工作人員遂通知警方，將阻礙拍攝的電單車拖走。
梁家輝、郭富城及盧海鵬等，前晚在尖沙嘴拍攝杜琪峯新片《柔道龍虎榜》外景，杜琪峯透露早已向有關當局申請拍攝，所以現場四處均將貼了告示，通知電單車車主盡量在拍攝期間不要在該處泊車，不過就現場所見，街道上仍停泊了幾輛電單車，於是電影公司通知了警方派出拖車，把電單車拖走。
梁家輝前晚穿上背心示人，顯示出一身健碩肌肉，他說：「拍呢套戲相當辛苦，減肥同減磅真係一流，重好過做健身，我都幾乎日日要拍打戲，好彩我輩份高，同埋年紀大，對手都會就住我去打。」梁家輝亦透露拍攝期間有不少自由行內地旅客圍觀。提到剛奪取康城影后的老友張曼玉何時回港，他說：「我真係唔知，但佢返嚟一定會同佢慶祝。」
對於黃秋生狠批演藝人協會未能真正幫助藝人，梁家輝說：「吳鎮宇都話咗秋生，鎮宇都打咗電話畀我，佢都有叫秋生有嘢可以同個會反映，唔使同出邊講，我諗要開個投訴組，然後俾秋生做組長。」
