大飛接深夜凶鈴，收到「陳姓官員」來電，後來真相大白，「陳壽山」原來係成綬三至真，搞到成教授要遠在北京開記者會補鑊，睇嚟佢嘅情況同安民副部長差唔多。
至於大飛更早前被英文《中國日報》嗰LouisChan一連兩篇鴻文狠批，呢一位「Chan姓寫手」，當正自己係人大黨鞭，話飛哥以為揸住個人大免死金牌，就公然反對人大常委釋法，係「beliehisroleinNPC」，估唔到大飛索性連人大都唔做，雖然，大飛話自己知道呢兩篇文章唔代表中央。
「陳姓官員」身份曝光，但「Chan姓寫手」係乜水？究竟代唔代表中央？就重未水落石出。
不過，有時靈通經常可靠嘅消息人士叫呢個Louis做「T先生」，話好多人大知道佢係邊個，土共就當然更清楚。可惜唔識得人大，否則就唔使估。
呢位消息人士又話，好多傳媒博出位，所以要睇真正中央意思，都係要睇新華社；對待啲「一般」讀者投稿，更加要小心。咁講法，咪重難分辨珠江橋豉油同粉絲蝦米？
（圖）大飛俾署名LouisChan嘅寫手喺英文《中國日報》香港版狂抦。
傳真︰2623-9278
電郵︰