環球前總裁陳少寶被廉署拘控收受賄款，昨日獲判當庭釋放，一班環球歌手和同事都表示為他感到高興及鬆一口氣，克勤稍後會約他開紅酒慶祝，而一班英皇歌手則笑說會恭喜他。
環球唱片前高層陳少寶於廉署「舞影行動」中，因涉嫌收受賄款提前終止麥浚龍與唱片公司的經理人合約而被拘捕，昨日被判證據不足，而當庭釋放，一班與他共事過的環球歌手與同事，都表示替他鬆了一口氣。
現任環球總裁SimonChu昨日接受電話訪問時說：「我打咗電話畀佢，站在朋友立場，我會戥佢開心，件事告一段落，鬆一口氣啦。」至於站在公司立場看此事，Simon說：「件事都完結咗，都係鬆一口氣啦。」
李克勤昨透過助手表示與譚詠麟分別致電祝賀陳少寶，作為朋友當然替對方高興，他們稍後更會相約開紅酒慶祝。
黃伊汶昨日在電話中說：「我同佢早幾日先通過電話，知佢有啲擔心，不過佢𠵱家應該成個人鬆晒，我都覺得鬆晒，好開心，我會叫佢唔好記住啲唔開心嘢。」黃伊汶又謂稍後會約陳少寶飯聚慶祝，她說：「既然法律話佢冇嘢，證明之前都係大家亂估，係innocent（無辜）嘅就冇事囉。」
而黃凱芹昨日在橫頭磡出席記者會時，從公司同事口中得知陳少寶當庭釋放的消息，他說：「我唔了解成件事，唔方便回應，我之前都有打過電話問過佢嚟唔嚟睇我演唱會，到我綵排時佢就打電話畀我話要上法庭，唔方便公開亮相，我禮貌上都要打番電話問候佢。」
亦曾牽涉入「舞影行動」中的英皇娛樂老闆楊受成昨日於怡東酒店出席活動時，對陳少寶獲釋表示不想回應。
一班英皇歌手則一派事不關己態度，但也表示恭喜陳少寶，Twins的阿Sa表示沒有留意事件，阿嬌卻笑說：「啊！飛鷹行動呀？冇事就好囉，恭喜晒。」霍紋希則表示恭喜陳少寶，問她會否致電對方祝賀，她說：「我都唔識佢。」
採訪：魯萍、楊潔雯、蔡如育
攝影：魯萍、陳偉權
