元朗十五歲以下足球隊上月尾遠赴吉隆坡角逐曼聯盃，大部份球員均是首次出國。其中正、副隊長梁灝駿和盧志軒，他們的父親更自費隨隊到場打氣，名副其實的「上陣不離父子兵」。
盧志軒父親說：「囝囝六、七歲已經開始踢波，平時喺香港，元朗隊有重要比賽時，都盡量抽時間到場打氣。多年來，元朗隊喺香港已經很難搵同齡對手，今次嚟到吉隆坡，係呢班少爺兵嘅真正考驗。」
對於盧志軒在五場比賽的表現，他說：「佢好緊張，好似好有壓力咁，最多只係發揮出六成水準，希望佢吸收今次經驗，對佢將來有幫助啦。」
至於梁灝駿的父親，是發起今次打氣團的關鍵人物，他說：「難得囝囝有機會打國際賽，就算請假都要嚟為佢打氣。」