將於年底結婚的名模歐陽妙芝早前往美國度假，在賭城巧遇荷李活巨星湯漢斯（TomHanks）。平日滴酒不沾的妙芝在三藩巿葡萄園，更初次品嘗紅酒。
名模歐陽妙芝將於年底結婚，她現正構思婚禮的細節，早前已試穿婚紗。妙芝趁結婚前，拋下模特兒的黃金檔期，遠赴美國度假三星期。
妙芝遊遍三藩市、賭城拉斯維加斯和洛杉磯等地，她日前說：「好耐冇放過咁長嘅假，成個旅程熄咗電話，好安靜。我最難忘係去賭城，入面好似皇宮咁，啲主題酒店好靚，淨係嗰度已經可以消磨好多日，重好彩到畀我喺賭城撞到湯漢斯，佢真人高大威猛，好靚仔呀。」
另外，妙芝亦往三藩市探望在彼邦念書的堂妹，朋友還駕車帶她遊名勝NapaValley，妙芝說：「NapaValley有個好大嘅葡萄園，平時唔飲酒嘅我見到啲葡萄咁新鮮，都即刻試飲啲紅酒，真係好易入口，好似果汁咁甜。」
妙芝離開美國時以百多元美金租坐專門招待荷李活巨星的Limo房車往機場，她說：「坐喺車內我真係感受到巨星嘅派頭。」
採訪：比華利
