唔經唔覺，鳳凰衛視已成立八周年，加上本年首季度開始有錢賺，八方噚日同鳳衛主席劉長樂傾起，佢哋為慶祝這個特別日子，特地出了一本畫冊，收錄該台過去的訪問及花絮，以作紀念。劉總原以為可趕及三月八歲生日時出版，但由於內裏刊登兩張國家領導人照片，包括前主席江澤民及現主席胡錦濤，需經一特別委員會審批，因此趕唔切，故首批畫冊變咗非賣品，次批才能於書店發售。
講完公司發展，八方問及曾任職鳳衛嘅前副主席周一男被殺案，劉總披露周是代表中央電視台出任副主席，只參與公司董事局會議，故並不稔熟。但佢透露案發後翌日下午，即五月三十日，就收到消息謂深圳公安局已鎖定目標人物，自己亦曾致電公安局求證，但有關方面卻希望鳳衛暫時唔好報道，以免打草驚蛇。點知第二日，媒體已大事報道有關消息，令佢哋錯失一個獨家故事。佢重話，周氏面相係「地包天」，下巴有些微向上，好似李登輝咁樣，應該幾有福氣，唔應該咁早死。
（圖）劉長樂話本畫冊趕唔切喺鳳凰衛視八歲生日時出版。
傳真︰2623-9278
電郵︰