建華七年民不聊生，一班充滿書卷氣息嘅知識分子專業人士，發起聯署聲明，堅持維護香港「核心價值」，包括自由民主、人權法治、和平仁愛、公平公義、誠信透明、多元包容、尊重個人及恪守專業等。聯署發起人有成四十人，包括張炳良、黎廣德、蔡海偉、史泰祖、梁家傑、盧子健、狄志遠、陸順甜同馮可立等。
新力量網絡嘅張炳良同八方講，近期好多專業人士心情好低沉，希望透過呢次聯署聲明表達愛護香港嘅宗旨。本來，共產黨去到邊，就會為邊度帶來抑鬱症，為咗顯示專業人士跨越政治，呢份聲明下星期一會分別喺兩份中文報章刊登，其中一份重係親中嘅左報，有興趣參加聯署者可電郵查詢，每人科水二百元正，截止日期六月六號下午三點。電郵：
另外，梁家傑呢輪認真紅，佢重答應出席下個星期五嘅記協舞會，擔任表演嘉賓，獻唱「浪子心聲」，請大家留意歌詞。
傳真︰2623-9278
電郵︰