賭王何鴻燊旗下嘅信德集團噚日開股東大會，燊哥唔喺香港，所以並無現身，由兩位千金超瓊（Pansy）同超鳳挑大樑。開會之前，八方收到風話四太梁安琪入股信德，對於呢段傳聞，Pansy話，「信德係上市公司，唔知佢係咪入股」，至於有傳媒問到，四太是否有參與信德旗下、持有澳門娛樂公司股權嘅Interdragon業務，Pansy就好肯定，「佢絕對唔係我哋集團嘅管理層成員」。
去年十姑娘同燊哥為咗澳娛嘅股權反晒面之時，盛傳與十姑娘何婉琪有關嘅小股東代表IanRobinson及另外兩名外籍小股東大鬧股東會，向Pansy連番質詢。今年，三名「小股東」又再踩場，但Pansy似乎早有預備，一開會就話，會議全程以廣東話進行，並請小股東應針對去年度公司業務提問，其他問題不回應。
三名外籍小股東不諳廣東話，直至投票方知無英語傳譯，所以發難，但由於已到咗投票表決先嚟反抗，搞咗半粒鐘都不得要領，只係問得三個問題。
傳真︰2623-9278
電郵︰