曹敏莉及鄭嘉穎昨日於九龍塘為法國婚紗拍攝婚紗照，由於兩人首次合作拍攝廣告，故埋位時鄭嘉穎顯得十分緊張，更不時流汗，連攝影師亦要求鄭嘉穎放鬆面部表情。
問到鄭嘉穎是否與靚女合作，所以顯得十分緊張？他說：「唔係緊張！我由細到大都係咁大汗，流汗唔代表緊張嘅。」當問到曹敏莉是否心中理想女孩時，鄭嘉穎說：「香港小姐梗靚喇！但娶老婆唔一定要靚。」
首次穿上婚紗拍廣告的曹敏莉昨日十分雀躍，面部表情十足，更不時流露出一副恨嫁的模樣，她說：「我今日會着三套婚紗同晚禮服。」
問到酬勞時，曹敏莉說：「好滿意，都有成五位數字，今日感覺好得意，更令我有少少結婚嘅衝動，不過暫時都未有白馬王子出現，將來結婚嘅話一定要影婚紗相同埋着裙褂。」
採訪：王崇穎 攝影：仇志德
