再過兩個禮拜，就係《蘋果》面世九周年；捱過九年，卒之考第「九十六名」。
話說第五十七屆世界報業大會剛剛喺伊斯坦布爾閉幕。呢個全球權威報業組織，公布全世界一百大報排名。以發行量計，《蘋果》排第九十六，僅僅入圍，亦係香港唯一一張上榜嘅報紙。
咁第一名係邊份報紙？就係日本嘅《讀賣》。二三四名都係日本報紙，睇嚟日本人最愛閱報。第五名係德國《圖片報》。中國人多，一共有十九家報業上榜，最威係《參考消息》，排第九；《人民日報》第十九。除咗日本中國，美國及印度亦分別有十八、十七張報紙打入一百強。
傳真︰2623-9278
電郵︰