鄭希怡（Yumiko）早前考車牌時泊位部份「肥佬」，八月重考，近日她一有空即相約教車師傅練習泊位技術。Yumiko自言心目中的dreamcar是寶馬Z4跑車，但自覺現時在樂壇發展的成績未夠好，不敢主動要求老細楊受成送車。
鄭希怡早前考車牌「肥佬」，她即時排期八月再補考，為了成功考得車牌，Yumiko近日一有空便安排教車師傅補鐘，日前記者便拍得她相約教車師傅在銅鑼灣出發學車，並駕駛到北角半山練習泊位。
一身便服往學車的Yumiko，當日坐上教車師傅的座駕出發往北角半山時，沿途駕駛技術相當平穩，到達目的地後她便專心練習泊位。據知Yumiko早前考車牌就是因為泊位技術不好而「肥佬」，反而路試的部份則合格。Yumiko泊完位後，教車師傅便與她一起落車睇位。
記者事後致電Yumiko，她自己亦承認泊位技巧要再練習。Yumiko說：「我呢方面係冇咁好，真係要練多啲，好彩師傅都好用心教我。」
Yumiko又表示若八月考到車牌後便會立即買車，問到其dreamcar是甚麼？她說：「我又唔會成日載屋企人，想買部兩座位嘅跑車，我好鍾意寶馬Z4，不過太貴，我又擔心自己新牌仔，所以應該會買部二手車學吓先。」問Yumiko可想如師兄王傑和謝霆鋒一樣，獲英皇老闆楊受成送車獎勵？她說：「梗係想啦，但我𠵱家啲成績未夠好，都唔好意思開口嘅。」
採訪、攝影：比華利、娛樂突發組
