紳寶高調進軍大陸
最近車壇可謂喜事多，最近就有瑞典紳寶汽車與通用汽車中國公司合作，正式將品牌打入中國市場，而旗艦車當然係近期備受力捧嘅9-3，有關方面更在上星期於珠海航天館舉行了一個大型發布會，正式向內地傳媒宣布品牌上市消息。今次發布會除邀請了內地傳媒外，香港傳媒亦有幸參與。話晒第一次參加祖國新品牌上市發布會，最估唔到嘅係有得睇特技之餘重有得坐，真不枉此行！
記者：黃婉冰 攝影：黃子偉
新車行Catwalk
旗艦車上市，當然要隆重其事，五部9-5同9-3齊齊行Catwalk，而9-3亦會有Vector同Arc兩款供選擇！
胎都玩蝕埋
想知道紳寶9-3在花式表演時的操控性能有幾卓越，除咗好似我咁做乘客親身體驗，睇睇呢條「事後胎」就知道部9-3原來都可以玩得咁激！
最搶鏡
雖然香港早前已有出售開篷9-3，但喺今次發布會中仍然係全場焦點所在。
專家之言
話晒係旗艦車，梗係要搵番幾個專家講解一下品牌歷史、新車設計概念同賣點啦！
模型Showroom
場內設有模擬Showroom，而首五間專門店分別設在廣州、上海、深圳、北京、杭州！