萬綺雯日前在北京拍攝亞視重頭劇《我和殭屍有個約會3》時受傷，因肋骨折斷和尾龍骨移位，引致坐骨神經痛。萬綺雯完成外景後，即回港接受治療，她今日還與劇中演員往黃大仙拜神，祈求往後拍攝順順利利。
萬綺雯和尹天照近日再度合作拍攝亞視劇集《我和殭屍有個約會3》，他們日前到北京拍外景，萬綺雯拍攝一場吊威吔戲時受傷，尾龍骨移位和肋骨折斷，但她仍忍痛拍完外景部份後，才回港接受治療。
亞視今日會安排萬綺雯和尹天照等一班《殭屍3》演員往黃大仙拜神，祈求日後拍攝順利。萬綺雯昨在電話中說：「其實我想澄清一樣嘢，報道話我吊威吔受傷，我想講套劇嘅武指阿星，佢每次拍攝時都幫我哋做好晒所有安全措施，我斷咗肋骨同傷咗尾龍骨未必關吊威吔事，可能係平時拍武打場面時唔覺意已經傷咗，但自己就冇為意，於是愈整愈傷。」
萬綺雯返港後即找醫生做詳細檢查，最終發覺肋骨斷了和尾龍骨移位，影響到坐骨神經痛，她說：「呢個月我全程休息，每日都幾乎瞓床，醫生叫我食多啲有營養嘅食物補充體力。」問茹素的萬綺雯可會因受傷改變飲食習慣，她說：「食齋都好有營養，我可以食豆腐、五穀粥同豆類，呢啲食物對肋骨自然愈合好有幫助。」萬綺雯下周會再投入拍劇，她表示會更加小心。
而萬綺雯在《殭屍3》中穿短裙駕駛電單車，她說：「劇情係古代同現代時空交替穿梭，我身上嘅白裙其實係婚紗，我喺現代同尹天照結婚，但突然有事又要返古代，個劇情都幾得意㗎。」
採訪：比華利
